唔經唔覺返埋聽日，我在高健的日子就這樣結束了。

 

回顧這兩年多的日子，雖做著一名廉價小員工；然而我在這兒結識了一班工作認真、但又懂得閒時玩樂的同事們，這是我最大的得著。真的有點兒不捨得離開.....

 

今天收到他們的祝福咭及禮物，我就好像在他們的手中接下這「畢業證書」。祝願大家都工作順利、生活愉快。

 

ps. 得閒記得call 我出嚟玩呀！

尋日收到個消息，隔離屋徐老太仙遊了......

 

雖然話「人到七十古來稀」，她剛剛過了九十歲生日後才走.....

 

可是她不竟跟我家做了幾十年鄰居...... 平時撞到她會笑容滿面的跟我哋打招呼，問候我哋呢啲後輩嘅近況咁......

 

之但係我家大嫂就快臨盆，好似話紅白二事不能相沖...... 那麼，只能在這裡懷念這麼和藹的老人家~

經過尋晚飲宴、通頂玩msn...... 再同屋企人去飲茶後；佢哋話去葵涌廣場逛街喎~ 我見好耐無去過，咪又跟埋去湊熱鬧囉~~ 點知佢哋逛完葵芳意猶未盡，又話要去沙田睇傢俬...... 真係畀佢哋玩死啦~

今晚參加了同事的婚宴。原本我們被安排跟同事的親戚坐埋一枱，但後來我們還是跟老闆、醫生們坐埋一齊...... 熱鬧啲嘛~

 

計起嚟，出咗社會做嘢咁耐；這次才第三次參加同事的婚宴呢~

 

結婚除咗係兩個人的事，亦都係兩家人的事...... 甚至係兩個人的生活圈子的crossover~  簡直同做show 無乜分別。

 

每次諗到呢度，就打晒冷震...... 我覺得自己一定無可能做到的......

 

又或者應該話這是由兩個人一齊對面的事，所以現在的我是無法想像的......

 

anyway, 這刻該做的事只有等......

好驚呀~ 剛剛考完傳聞中勁艱深的一科 ── FM。

 

果然，名不虛傳...... 剛才睇住份卷時，我好似睇緊訽驚悚片...... 啲題目完全跟平時做嘅assignments 同 exercises 唔同。

 

雖說還有些執分題目...... 但這三個鐘我都唔知自己做緊乜。

 

到交卷時，除了第四題completed之外，其他都係做得一半...... (啱嘅...... 都唔知有無一半？)

 

好驚會肥呀~ 從未如此擔心過......

今日去咗呢度玩咗個簡單嘅 《九型人格測驗》~
http://www.parttimegroup.com/PartTimeLove/Assessories/NineType/_Paper1.aspx

 

都幾得意，而我的result 是：

====================================================================================================================================

忠誠型（忠誠可靠，警覺性高）

您通常是忠誠、可靠、謹慎，而且富有想像力的思想者。您身為團體一員的時間比當領袖的時間多，但雖如此，您把自己放在眼高處，為那些被踐踏和受到不公平對待的人發言。
您會是很好的調停專家，因為您會主動設想在任何情況中最糟的可能結果及其應對之道。

優點：
您能看出別人尚未發展的潛能，而且樂於幫助他們激發出來。大多數尋求您協助的要求都會得到正面的回應。

缺點：
覺得成功以掌握，所以避免成為權威人物。您總是在接近事業巔峰時更換工作，或時在即將功得圓滿時，遭遇到本可避免的「災難」。

愛情：
你必須感到自己能夠信任和認識伴侶才能在一起。即使在愛的關係中，而且有多年的承諾，懷疑仍然繼續出現，所以對於伴侶來說是很困惑的。

在親密關係中，要讓您了解自己情緒化的部份，可能要花上多年的時間。
「在我接觸到自己的覺之前，這份關係已經渡過了七年。最後，這些情緒全都針對我所愛的女人浮現。」

安定方位：平和型
在安定的狀態下您會變得溫柔、溫暖而可愛。您能夠只是陪伴著朋友和愛人，享受放下警戒和懷疑。

壓力方位：成就型
當面對感情的壓力或情緒對抗時，您會停止拖延，並很享受加速的感覺。運用想像力把工作完成。

建意：
留意自己奉行「陰謀論」的傾向
學習信任別人
留意自己對權力的質疑和態度

最渴望：安穩，有保障
最恐懼：缺乏安全感
最難達到的美德：勇氣 (Courage)
最難克服的執念：猜疑 (Doubt)

因為今期嘅course 就嚟完(即就快又到考試季節~)，而阿sir 番三四次咁叫我哋有咩問題就好快啲問啦~ 於是星期六晚上完taxation 後就約咗最佳戰友 cherry 仔，去奧海城做番啲FM exercises~ 希望可以搵到盡快發現問題可以盡早解決。

 

可是，我選錯了地方了。那晚我們雖則做了四個鐘頭 exercises，但係那兒food count 在播著 曼聯vs保頓 ...... 四個鐘頭裡面真正for 做數嘅...... 嘿嘿~ 正因如此，我哋決定返星期日嘅tutorial class 再續。

 

我們先約在吉野家食lunch。喺我哋食緊飯嘅期間，我發現有很多人唔食(係原全唔食嗰隻~) 套餐裡附送嘅 "兼池"~ 如果明知自己唔食的話，點解唔係店員執order 時就跟他們說「不要」呢？！眼睜睜的將食物「原封不動」地放在旁邊，然後給浪費掉了...... 難道跟店員說一聲真的很困難嗎？還是他們認為已付的費用裡已包括這個他們的「不需品」，放棄擁有這個「不需品」的權利才是浪費？？這個世界還有很多人因無嘢食而餓死...... 我見著這些被浪費掉的食物就覺得很難過了......

 

食完飯，我們就浩浩蕩蕩地去14樓上tutorial class~ 當我們入到課室，發現tutorial class 已經開始咗了，我們立即搵個位置坐下來。眼見這次tutorial 都有成廿多人，而他們全都是Fong sir 嘅學生；令我們變得有點格格不入。但我亦不浪費時間，主動問班上同學仔攞Fong sir 嘅assignments 同 in class exercises 影印。可是同學仔的in class exercises 原來我一早就在其他途徑取得，我於是問那位同學仔有沒有新加嘅in class exercises；但她以為我是repeater，跟我說這些in class exercises 跟上期的一樣...... anyway, 她總算肯借出assignments 給我影印。

 

那位 tutor 哥哥知道我們不是Fong sir 學生，就很體貼地主動講patrick 嘅assignemnt 3 先~ 雖然我們已交了assignment，但係都幾好奇另一個版本詮釋 patrick 嘅assignment 會是怎樣呢？況且，其他同學都可能想了解patrick 出嘅題目吧？！(因我一坐下就有同學仔問我攞patrick 嘅assignment 影印~) so, 我們沒有阻止 tutor 哥哥解題目。可是當tutor 哥哥解完題目後問我們明不明白，我就很老實地跟他說我們已交了功課...... 當話還未講完，剛才借assignment 給我影印的同學搭訕；話我們可能交完功課後還不明白點做呢！

 

她雖然很無禮，但我仍很有風度跟tutor 哥哥講，我以為其他同學仔會有興趣了解其他班嘅 assignment 題目，所以才沒有阻止他的講解。當我這麼說，她還嘴硬地說對其他班阿sir 出的題目沒興趣。沒興趣？！幹嘛問我借assignment 3 question 來影印呀？？最後我們表明來意是想問 patrick 新派畀我們的 exercises 題目及 past paper；而那位同學仔聽到我這麼說，才沒有再說什麼。

 

可是這位tutor 哥哥沒有滿足我們嘅要求；因他沒有準備過我們的題目，總覺得他回答我們時有點敷衍...... 於是我們臨離開時問了之前 patrick 喺堂上出咗一題計 stock value 嘅短題目。但係阿sir 話cut off 第十年，而tutor 哥哥卻話應該cut off 第十一年...... 吓？！

 

上完FM's tutorial class，我就陪cherry 仔上IA1嘅tutorial class；反正我也要搵個地方繼續溫習~ 就這樣，我在IA1 嘅 tutorial class 課室裡，繼續我嘅FM exercises。

 

這日溫書發生咗段小小插曲 ── 可能我連續四、五個鐘睇notes、 exercises，當我去厠所時眼花花將男厠嘅logo 睇成女厠的...... 當我入到厠所裡還未意識到自己入錯厠所；我於是行入兩步後發現一樣女厠沒可能出現的東西，至知自己入錯厠所；於是即是離開現場...... (瘀死呀~~~~)

 

幸好，整個過程沒遇上任何一個人...... 否則真係要搽多幾打面懵膏才行呀~~

尋日返taxation, 阿sir 又"老馮"地遲到...... 差不多遲咗半個鐘。於是當佢一入課室，我就大聲問佢：阿sir 你做乜遲到丫？

阿sir 尷尷尬尬咁笑，但又唔答我喎...... 跟住其他同學們也嚷著阿sir 遲到就唔解釋、唔道歉...... 佢至死死地氣話自己遲放工，又截唔到的士咁喎~  但係佢嘅office 不是在灣仔嗎？距離金鐘centre 有多遠呀？！

 

跟著又係咁佢有佢講notes，但又唔講畀我哋知邊份notes、邊一頁喎？！咁究竟我哋可以學到啲乜呢？但最最最離譜的事還在後頭。

 

居然我哋做咗嘅assignment, 唔發 solution 畀我哋！！！

 

佢解釋：怕我哋攞咗solution 後傳給其他未讀這科的同學仔，那麼他們可以抄答案喎~ Σ(⊙▽⊙"a

 

我覺得佢好牽強囉~ 假如怕未讀嘅同學抄答案的話，咪出條新題目咪得囉~ 點解為咗可以recycle 用條題目而剝削我們學習嘅權利......

 

阿sir 還配當老師嗎？

 

雖則在為學生應該尊重老師，可是老師自己也未能盡本份的話....... 唉~

雖然 KFC 啲咖哩一啲都唔辣，但都幾有咖哩味，幾醒胃~~ 今日我無乜胃口，於是去咗KFC 買咖哩雞扒飯食~

 

唔知係咪新嚟，落order 、執單出奇地...... 慢；但係咁，係人都會有生手嘅時候啦~ 於是我等...... 眼見佢幫我執咗件雞扒入盒，但是到幫我pack 嘢時卻又不見那盒雞扒喎？！

 

我就笑笑口問佢：「我件雞扒呢？」

 

起初佢還以為已執咗畀我，但係當佢打開份package 睇~ 咿？佢才醒起剛才自己入了盒的雞扒放了一旁...... 佢驚驚青青咁攞番畀我。

 

of course, 我的目的己達到，我亦笑笑口回應佢啦~ 佢跟著用雙手攞著個一蚊找畀我喎~~ 真係令我受寵若驚呀~~

 

其實每個人都有時候會做錯嘢~ 只要用寬容嘅態度解決問題嘅話，大家都容易啲接受嘛~

今日睇到雜誌廣告，話明日十點至十二點期間，星巴克免費請飲daily special 喎~ 重係無限額添~~

嘩~ 真係好吸引呀~ 之但係果兩個鐘大家都返緊工...... 喎？！ 咁咪無得飲囉~

之前因為taxation 轉咗新阿sir教，而我跟佢又tune 唔啱channel 咁...... 於是幾經轉折向一個前輩討了一份前任阿sir -- YY BUTT 嘅 notes~

 

可是這位前輩的notes 只有hard copies，而問他借notes 的又唔只我一個...... 於是我索性拜託有向他借notes 同學仔幫我印多一份，然後約了今日放工後交收。

 

當我在地鐵站只係等同學仔了十多分鐘，居然前前後後有成三四個人問我...

 

 

雖然早就知道地鐵站係一個熱門嘅交收地點，但真係估唔到幾分鐘就有一pair 人做緊交易~ 個場都不知幾旺~~~

幾次錯認後，同學仔終於到了~ 佢都幾好嘢喎~ 一眼就認到我~ 好可惜, 佢今期drop 咗taxation~ 佢話完全唔明阿sir 講乜喎...... 蝕一半學費好過要retake 喎~~

不過咁今期drop 咗, 遲啲都要take 過啦~ 我就係唔明... anyway, 人各有志嘛~

 

然後寒暄多兩句後就分手了~ 

我就襯搭車時睇睇 BUTT sir 啲notes.... 果然，比起我家陣啲notes 有多啲睇頭~ (起碼我覺得阿sir 係好有心機做這份notes 的~)

可惜, 被那個西人...

突然覺得，前輩們有這位阿sir 教真係幸福呀~ (還是我太不幸呢？)

今日又係上taxation 嘅日子~

 

經過咗四堂唔知阿sir 講乜乜叉叉，又濛查查地交了第一份assignment 後；阿sir 今日居然襯那位外籍同學仔「彭定康」未返嚟，主動用中文講番之前四堂嘅大概內容~ 又放水下堂test 大約啲乜咁喎~ 唔知點解，「彭定康」今日比平日遲了很多仍未返，啲同學仔笑說他跟「泰昌」簽咗約去「食蛋撻」所以堂堂都遲大到...

 

真係日頭唔好講人、夜晚唔好講鬼~ 一講起「彭定康」點解仍未返，佢就出現啦~ 雖然我哋都要轉番channel，不過我哋都上了一個鐘頭用中文講嘅堂~ 而這位Mr.「彭定康」又唔太mind 我哋要求用中文作少少 summerize... 佢真係幾nice 咖~

 

我哋之前要求襯「彭定康」去咗「食蛋撻」時候用中文，佢都唔肯。又話space 唔畀用中文講書..... 這次阿sir 肯作出了180度轉變，可能之前有很多同學仔跟space 申請轉班，而班中兩個外籍同學已成功申請轉班了。令space 要給阿sir 一點pressure 吧~

 

by the way, 這個轉變係好嘅~ 起碼我哋終於知道自己讀乜、要考乜~ 唔再濛查查了...

今早的天氣變得涼了..... 在我家附近那所天主教學校傳來了一陣陣的詩歌聲；聖誕節終於來臨了。

先排去咗郵政局返工嘅朋友，今日收到醫院通知；請佢做助理物資治療師喎~

 

人工又多成仟幾蚊~ (咁計，佢人工家陣多過我啦~) 而且又係佢嘅dream job~

 

嘩~ 佢真係掂呀~ 一係唔搵，一搵就搵到兩三份good jobs~ 真係戥佢開心呀~ (當然要佢請食飯慶祝啦~~)

 

恭喜晒~

唔經唔覺又到報名讀course 嘅日子啦~

 

我而家剩番最後五科；包括audit、taxation、financing management、management accounting & business organisation......

 

對我嚟講科科都咁難，都唔知揀邊科讀先好~

 

當然，如果成班同學仔一齊讀的話信心都大啲~

 

但係佢哋家陣重喺度15/16緊...... 希望快啲有決定就好啦~

今日除了係小妹嘅big day, 重係我喺 「X健」嘅第一個週年紀念~

 

喺度祝自己年年有今日、歲歲有今朝之外~ 重有要多謝各位對小妹這一年來嘅包容、支持及鼓勵~

 

以前做得不足嘅地方，希望今年會有更大更好嘅改善~

 

在此跟各位講多聲「謝謝~」，份我很喜歡 ~ 謝謝你們~~

 

尋日臨收工時收到個好消息，我個friend 終於搵到工啦~  \(≧3≦)/ 重係大機構嚟添 ── 郵政局。

 

雖然人工比我少啲啲，但係擬一個普通嘅data entry 位嚟睇，一入職就有呢個價錢~ 而且每週返得嗰48個鐘，算係好高人工咖啦~~ []~(￣▽￣)~* 反之，睇番自己...... 唉~~

 

希望佢能盡快適應新環境啦~~

今晚考econ 嘅mid-term，原本我就無乜信心去考嘅~ 不過有小貓陪著，今次總算過關了~

 

不過小貓今日整天很勞氣，主因係某某人的不知所謂的留言...... 令到佢嬲到 (#‵′)凸

 

其實某某打翻醋罈子，我可以理解的。之不過向自己愛人的身邊朋友發出那些惡意批評，這樣做就有點兒「不成熟」了~ 令自己愛人掉臉外，也質疑自己愛人......

 

沒有了信任的關係，還可以維繫得多久呢？

沒有了飯友的問候，今天沒有帶飯的我忘了叫外賣；於是我決定給自己一個午餐前的小小歷險~~~

 

一個人向著太子方向行走，本想找一間平時不會拉大隊一齊去食飯的地方......

 

西餐、拉麵、上海菜、茶餐廳、泰國菜、台灣菜......原來公司附近有很多不同類型嘅餐廳。可能太耐未試過一個人去食飯，我居然去了很多間餐廳.......但過門而不入。總覺得得自己一個出嚟食飯好像是怪人。差點兒一個人行了去深水埗.......

 

最後，我選擇了一間連鎖式台式餐廳。